АН-ын сонгуулийн штабаас сэтгүүлчдэд хандаж мэдээлэл хийлээ. Мэдээллийг АН-ын гишүүн Э.Бат-Үүл өглөө.

Монгол Ардын Намаас хэвлэлийн бага хурал хийлээ.

Монгол Улсад 1968 онд Тахийн талд хамгийн сүүлийн тахь үзэгдсэнээс хойш устах аюулд өртөөд байсан. Тахийн сүрэг өдгөө Эх нутагтаа 3 байршилд дахин нутагшуулснаас хойш 600 гаруй тоо толгой болжээ.

Нийслэлийн төр захиргааны байгууллагууд хуулиар хүлээсэн үүргийнхээ дагуу сонгууль явагдах бүх бэлтгэлийг хангасан

Нийслэлийн Онцгой байдлын газраас голын усны ослоос урьдчилан сэргийлэх, иргэдийн аюулгүй байдлыг хангах зорилгоор Туул гол дагуу завьт эргүүл ажиллуулж байна.

Монгол Улсын Ерөнхийлөгчийг сонгох сонгуулийн энэ өдөр Ерөнхий сайд Ж.Эрдэнэбат гэргий, охины хамт Баянзүрх дүүргийн 25-р хорооны 1731-р хэсгийн санал өгөх байранд саналаа өглөө.

12:00 цагийн байдлаар нийслэлд сонгуулийн ирц 19.6, Улсын хэмжээнд 21.3 хувьтай байна.

МАХН-аас Монгол Улсын Ерөнхийлөгчийн сонгуульд нэр дэвшигч С.Ганбаатар БЗД-ийн 1,709 дүгээр санал авах байранд очиж саналаа өглөө.

Ардчилсан намын дарга С.Эрдэнэ Баянгол дүүргийн Улаанбаатар өртөөн дахь санал авах байран дээр очиж саналаа өглөө. Санал өгсөний дараа тэрбээр мэдэгдэл хийлээ.

Сонгуулийн Ерөнхий Хорооноос 12:00 цагийн байдлаар сонгуулийн ирц хэдэн хувьтай байгааг нэгтгэн мэдээлэл хийж байна.

Монгол Улсын Ерөнхийлөгч Ц.Элбэгдорж морин цагт Орос III сургуульд байрлах санал авах хэсгийн хороонд тэргүүн хатагтайн хамт очиж саналаа өглөө.

Энэ удаагийн Ерөнхийлөгчийн сонгуулийн хуульд хурууны хээгээр саналаа өгнө гэж тусгажээ. Тиймээс хэрэв иргэн та иргэний үнэмлэхээ хаяж, гээгдүүлсэн бол хурууны хээгээр саналаа өгөх боломжтой юм байна.

УИХ-ын дарга, МАН-аас ерөнхийлөгчийн сонгуульд нэр дэвшигч М.Энхболд гэр бүлийн хүний хамт 23 дугаар сургууль дээр байрлах хэсгийн хороон дээр очиж саналаа өглөө.

Дүн мэдээг 22:00 цагаас хойш, дэлгэцээр шууд дамжуулан үзүүлнэ.

iKon.mn сайтын Ерөнхийлөгчийн сонгууль 2017 http://www.ikon.mn/election/2017 хуудаснаас та сонгуультай холбоотой багц мэдээллийг авах боломжтой боллоо.

Ерөнхийлөгчийн сонгуультай холбоотойгоор Нийслэлийн Засаг дарга бөгөөд Улаанбаатар хотын захирагч С.Батболд Сонгуулийн тухай хуулийг хэрэгжүүлэх талаар авах зарим арга хэмжээний тухай захирамж гаргаж, өнөөдөр 00.00 цагаас 28-ны өдрийн 00.00 цаг хүртэл нийслэлийн нутаг дэвсгэрт архи, согтууруулах ундаа худалдах, түүгээр үйлчлэхийг түр хориглох шийдвэр гаргасан.

Монгол Улсын Ерөнхийлөгчийн сонгууль энэ сарын 10,11-ний өдөр гадаадад байгаа иргэдийн санал хураалтаар эхэлсэн билээ.

Ихэнх нутгаар 30 хэмээс давж халж байгаа тул наршихаас хэрхэн сэргийлэх болон илрэх шинж тэмдэг, авах арга хэмжээний талаарх зөвлөгөөг танд хүргэе.

Улсын хэмжээнд сонгогчдын саналыг авах 1,983 хэсэг буюу санал авах байр ажиллаж байна.

Монгол Улсын Ерөнхийлөгчийн сонгуулийн санал хураалт өнөөдөр 07.00-22.00 цагийн хооронд орон даяар явагдаж байна.