Дэлхийн сонгодог хөгжмийн томоохон наадам болох П.И.Чайковскийн нэрэмжит 15 дахь удаагийн олон улсын сонгодог хөгжмийн уралдаан болж өндөрлөлөө.
Эрэгтэй дуучдын төрөлд манай дуучин Ганбаатарын Ариунбаатар нэгдүгээр байр эзлээд зогсохгүй, бусад төрлүүд дотроос шилдгийн шилдэг болон шалгарч Гран-При хүртсэн нь түүхэн том амжилт байлаа.
П.И.Чайковскийн нэрэмжит уралдаан нь 1958 оноос эхлэн дөрвөн жил тутамд зохиогддог.
1966 оноос эхлэн дуулаачдын тэмцээн явагдаж эхэлсэн бөгөөд өмнөх 12 удаагийн тэмцээний тэргүүн байруудыг хуучин ЗХУ болон ОХУ 7 удаа, АНУ, Гүрж, БНХАУ, Украйн, Өмнөд Солонгосын дуучид тус бүр нэг удаа эзэлж байжээ.
Харин Монгол улс анх удаа, гэхдээ Гран-Притэй нь цуг авсан явдалд дэлхий нийтээр гайхан биширцгээж байна.
Энэ удаагийн уралдаанд дэлхийн 45 орны 623 уран бүтээлч оролцсон юм.
Он | Ялагч | Улс |
---|---|---|
1966 | Владимир Атлантов | |
1970 | Евгений Нестеренко, Николай Огренич нар хувааж эзлэв | |
1974 | Иван Пономаренко | |
1978 | Нэгдүгээр байр тодроогүй. Хоёрдугаар байрыг Валентин Пивоваров, Никита Сторожев нар хувааж эзлэв. | |
1982 | Паата Бурчуладзе | |
1986 | Григорий Грицюк, Александр Морозов нар хувааж эзлэв. | |
1990 | Чой Ханс | |
1994 | Чен Е Юэнь | |
1998 | Бесик Габиташвили | |
2002 | Михаил Казаков | |
2007 | Александр Цымбалюк | |
2011 | Пак Чон Мин | |
2015 | Ариунбаатар Ганбаатар |