"G-time"-ийн толгой компаниас мөнгөө буцаан авч болно гэдэг ТАШАА МЭДЭЭЛЭЛ тарсан байна"
Улаанбаатар хотын Цагдаагийн Газраас "G-time" сүлжээний бизнесийн хэргийн шалгалтын явцын талаар өнөөдөр мэдээлэл хийлээ.
Бүгд Найрамдах Казахстан улсын иргэн Ж.Марат Монгол Улсад 100 хувийн хөрөнгө оруулалттай "G-time" компанийг байгуулж, санхүүгийн пирамид тогтолцооны аргаар бусдыг хууран мэхэлж, ашиг олох замаар хориглосон үйл ажиллагаа явуулж, залилангийн гэмт хэрэг үйлдсэн асуудлыг Мөрдөн байцаах газрын Хүнд гэмт хэрэг мөрдөх хэлтэс шалгаж байна.
Шалгалтын явцын талаар Мөрдөн байцаах газрын Хүнд гэмт хэрэг мөрдөх хэлтсийн дарга, цагдаагийн дэд хурандаа Ө.Эрдэнэхүү “Казахстан улсын иргэн Ж.Маратыг хоёрдугаар сарын 17-ны өдөр Монгол Улсын хилээр гарах үед нь цагдаагийн байгууллагаас барьж, саатуулан хэргийг үргэлжлүүлэн шалгаж байна.
Энэ хэрэг дээр Ж.Маратаас гадна компанийн гүйцэтгэх захирал болон бусад хүмүүсийг албадан шалгаж байгаа.
Энэ бол буруу ташаа мэдээлэл гэдгийг Цагдаагийн байгууллагаас албан ёсоор мэдэгдэж байна. "G-time" компанитай холбоотой асуудлаар Цагдаагийн байгууллага дээр эрүүгийн хэрэг үүсгэж, бүх талаас нь шалгаж байгаа.
Иймээс иргэдийг Мөрдөн байцаах газар дээр ирж, энэ талаарх өргөдөл гомдлоо гаргаж, шалгуулаарай гэж хүсч байна. Энэ компанийн үйл ажиллагааг зогсоосон байгаа учраас цаашид дахин үйл ажиллагаа нь сэргэнэ, хөтөлбөр үйл ажиллагаа нь хэвийн үргэлжилнэ гэсэн ойлголт байхгүй.
Хэргийг тал бүрээс нь шалгаж, тогтоосны дараа хэн хэн буруутай болон хэн хэчнээн төгрөгөөр хохирсон гэдэг асуудал эцэслэн шийдвэрлэгдэнэ” хэмээн тайлбарлалаа.
