Н.Алтанхуягийн дүү нарыг цагдан хорьжээ

Гэрэл зургийг MPA.mn

Ерөнхий сайд асан Н.Алтанхуягийн төрсөн дүү Н.Нарантуяаг уржигдар буюу арваннэгдүгээр сарын 16-нд АТГ-аас баривчилсан байна.

Түүнийг гадаад руу явах гэж байхад нь “Чингис хаан” нисэх буудлаас баривчилжээ. АТГ-ын ажилтнууд Н.Нарантуяаг баривчлах үеэрээ түүнд хилийн хориг тавьсан байсныг хэлсэн аж.  

Харин маргааш нь буюу энэ сарын 17-нд Н.Алтанхуягийн төрсөн эгчийнх нь охиныг мөн баривчлан саатуулсан байна. Зарим эх сурвалжууд Г.Дэнзэнгийн хэрэгт холбогдуулан эхнэрийг нь баривчилсан гэж байгаа ч ойрын эх сурвалжийн хэлснээр өчигдөр баривчлагдсан эмэгтэй Г.Дэнзэнгийн эхнэр н.Уянга биш болохыг баталсан юм. 

Ерөнхий сайд асан Н.Алтанхуягийн дүү нарыг ямар үндэслэлээр баривчлан саатуулсан нь одоогоор тодорхойгүй байна.