“Хүлэмжийн шинэ ногооны амт” үзэсгэлэн худалдаа маргааш эхэлнэ

Голомт банк үндэсний үйлдвэрлэгчдээ дэмжих зорилгоор Глобал Коммунитс олон улсын байгууллага, Монголын хүлэмжийн аж ахуй эрхлэгчдийн холбоотой хамтран эх орны хөрсөнд ургасан шинэ ногооны үзэсгэлэн худалдааг зургаадугаар сарын 24-26-ны хооронд Барилгачдын талбайд зохион байгуулах гэж байна. 

Тус үзэсгэлэнг зорьсноор та хямд үнээр чанартай Монгол ногоог худалдан авах боломжтойгоос гадна эрүүл хооллолтын болон хүлэмжийн хүнсний ногоо тарьж ургуулах зөвлөгөө, мэдээлэл авах боломжтой. 

Үзэсгэлэнд Чингис бондын хөрөнгөөс Голомт банкаар дамжуулан санхүүжилт авсан фермерүүд, хүлэмжийн аж ахуй эрхлэгч компаниуд, үр бордоо нийлүүлэгчид сузэрэг 30 гаруй аж ахуй нэгж оролцоно.