Боловсрол, соёл, шинжлэх ухааны яамнаас Сургалтын төрийн сангийн санхүүжилтээр гадаадад магистр, доктрантурт оюутан суралцуулах ээлжит тэтгэлэг зарлалаа.
Мөн Японы Хёго их сургууль, Унгар улсын ЗГ-ын тэтгэлэг, ОХУ-ын Роснефьт компанийн санхүүжилтээр ОХУ-д суралцуулах тэтгэлгүүд зарлагдсан байна.
Дээрх тэтгэлэгт хөтөлбөрүүдэд Засгийн Газрын тогтоолоор баталсан тэргүүлэх ач холбогдолтой мэргэжлүүд багтсан байна. Тухайлбал Боловсрол, Соёл урлаг, Анагаах ухаан эрүүл мэнд, Хөдөө аж ахуй, Барилга хот байгуулалт, Байгаль орчин ногоон хөгжил гэх мэт мэргэжилүүд багтжээ.
Харин дэлхийн шилдэг их, дээд сургуульд оюутан суралцуулах хөтөлбөрийн ээлжит сонгон шалгаруулалтыг ирэх дөрөвдүгээр сард зохион байгуулахаар төлөвлөжээ.
Одоогийн байдлаар дэлхийн шилдэг 100 их, дээд сургуульд тэнцсэн Монгол Улсын 171 иргэн Засгийн Газрын тэтгэлгээр суралцаж байна.