20,000 тонн улаанбуудайн зөвшөөрлийг хэвээр үлдээлээ

Монгол Улсын Ерөнхий сайдтай энэ сарын 19-ний өдөр ХХААЯ, тариаланчид болон гурил үйлдвэрлэгчид, талх, нарийн боов үйлдвэрлэгчдийн төлөөлөл уулзсан.

Тус уулзалтаас тариаланчдын агуулахуудад хадгалагдаж байгаа 40 мянган тонн, Тариалан эрхлэлтийг дэмжих санд байгаа 31.5 мянган тонн улаанбуудайн тоо хэмжээ, чанарт хяналт шалгалт хийх үүрэг өгсөн юм.

40 мянган тонн улаанбуудай хаана байгаа нь тодорхойгүй байгаа.

Үүний дагуу ХХААЯ, МХЕГ, тариаланч, гурил үйлдвэрлэгчдийн холбоодын хамтарсан ажлын хэсэг байгуулагдаж, ТЭДС-гийн зургаан байршилд хадгалагдаж байгаа 31.5 мянган тонн улаанбуудайнд хяналт шалгалтыг хийв.

Шалгалтын дүнгээр ТЭДС-гийн байршлууд дээрх улаанбуудайн 84 хувь нь стандартын шаардлага хангаж, үлдсэн 16 хувь нь шаардлага хангахгүй байна гэсэн урьдчилсан дүгнэлт гараад байна.

Харин тариаланчдын агуулахуудад хадгалагдаж байгаа 40 мянган тонн улаанбуудай хаана байгаа нь тодорхойгүй байгаа ажээ. Энэхүү 40 улаанбуудайг Үр тариа эрхлэгчдийн газар тариалан холбооноос одоо хүртэл борлогдоогүй байгаа хэмээн өргөх бичиг ХХААЯ-д хүргүүлсэн юм.

ХХААЯ-наас энэ сарын 19-ний өдөр албан тоотоор тус холбоонд 40 мянган тонн улаанбуудайн байршлыг тодорхой ирүүлэхийг боловч өнөөдрийн байдлаар ямар ч хариу ирүүлээгүй бөгөөд энэ хаана хадгалагдаж байгаа нь тодорхой бус, ямар нэгэн мэдээлэл байхгүй байна.