“АПУ ДЭЙРИ” ХХК: Нээлттэй тендер шалгаруулалтын урилга

НЭЭЛТТЭЙ ТЕНДЕР ШАЛГАРУУЛАЛТЫН УРИЛГА

Тендерийн ерөнхий мэдээлэл.

Тендерийн нэр: “Апу Дэйри Сүүний үйлдвэрийн өргөтгөл” төсөл барилгын газар шорооны ажил

Тендерийн дугаар: APUDE-02/2024

Тендерийн материал олгох хугацаа: 2024 оны 04-р сарын 19-ний 17:00 цаг.

Тендер хүлээж авах хугацаа: 2024 оны 04-р сарын 24-ний 16:00 цаг.

Тендер шалгаруулалтын тухай товч мэдээлэл:

ХУД-ийн 19-р хорооны нутаг дэвсгэрт байрлах АПУ Дэйри сүүний үйлдвэрийн барилгыг шинэчлэн “Апу Дэйри Сүүний үйлдвэрийн өргөтгөл” төслийг хэрэгжүүлж байгаа ба уг төслийн хүрээнд тус барилгын Газар шорооны ажлыг гүйцэтгэх гүйцэтгэгчийг сонгон шалгаруулах тендер зохион байгуулж байна. Тус барилга тэнхлэгээрээ 51,4*38,7*13м 53,35*38,7*18,15м гэсэн хоёр барилгаас бүрдэнэ.

Апу Дэйри Сүүний үйлдвэрийн барилгын ажил: барилгын газар шорооны ажлыг гүйцэтгэх ажил

Хөрс: Төслийн барилга нь бул чулуу агуулсан элсэн чигжээстэй хайрган хөрстэй, Усны түвшин гадаргаас -3,5м гүнд /хөрсний шинжилгээний дүгнэлтийг үзэж болно/. Суурийн нүхийг -1,9м түвшинд ухна.

1. Барилгад буцааж булалтад ашиглагдахгүй хөрсийг хусаж, талбайгаас зайлуулах.
2. Суурийн шороог механизмаар ухах.
3. Суурийн шороог гараар засаж, стандарт нормын дагуу механизмаар нягтруулах ажил.
4. Суурийн буцаан булалтад хэрэглэх шороог нөөцөлж хадгалах. (Захиалагчид шороог хадгалах талбай гаргах боломжгүй бол гүйцэтгэгч нь өөрийн талбайд түр хадгалах
5. Барилгын бетон суурь болон бетон суурийн дам нуруунуудад дулаалга, ус чийгийн хамгаалалт хийгдсэний дараа буцаад булах ажлыг хийнэ. БНбД-ийн дагуу 30см тутам үечилж нягтруулна.

Тендерт оролцогч тал зураг төслийн дагуу ажлын тоо хэмжээг шалган ажил тус бүрийн зардлыг тооцож тендерийн материалыг ирүүлнэ.

Мөрдөж ажиллах норм дүрэм стандартууд:

1. Барилгын газар шороо ба буурь суурийн ажил БНбД 50-02-17
2. Барилгын үйлдвэрлэлийн хөдөлмөрийн аюулгүй ажиллагааны дүрэм БНбД 12.03.04
3. Дээр дурдаагүй шаардлагатай бусад хууль норм, дүрмүүд.