АТҮТ: Шинэ машин худалдаж авбал Улаанбаатарын серитэй дугаар олгохгүй гэдэг мэдээлэл худал

Гэрэл зургийг MPA агентлагийн онцгой зөвшөөрөлтэйгөөр ашиглав

Автомашины серийн дугаар олголттой холбоотой мэдээлэл сошиал орчинд өрнөж байна. 

Тодруулбал "Өнөөдрөөс шинэ машин худалдан авч байгаа иргэдэд Улаанбаатар хотын серийн дугаар олгохгүй. Худалдан авах хүсэлт 300,000 төгрөг" болсон талаарх мэдээлэл бий. 

Энэ талаар Авто Тээврийн Үндэсний Төв (АТҮТ)-өөс тодруулахад "Энэ худал мэдээлэл. Импортын тээврийн хэрэгслийн дугаараа захиалаад орж ирвэл хэвийн олгож байна. 

Худалдан авах хүсэлт нь 300,000 гэж бичсэн байсан. Тийм зүйл огт байхгүй. Сошиал орчинд худал мэдээлэл түгээжээ. Энэ мэдээллийг хэн, ямар зориулалттай гаргаад байгааг мэдэхгүй.

АТҮТ-ийн үйл ажиллагаа хэвийн үргэлжилж байна. Орж ирсэн импортын машиныг бүртгэж, дугаарыг хэвийн олгож байгаа" гэж хэллээ.