• 4 сарын 29, Даваа
|
|
Уншиж байна ...
ХУУЧИРСАН МЭДЭЭ: 2017/10/03-НД НИЙТЛЭГДСЭН

ЭЛСЭН ТАСАРХАЙД зам дагуу үйлчилгээний цогцолбор барьж эхэллээ

С.Бадрал, iKon.mn
2017 оны 10 сарын 3
iKon.MN
Зураг зураг

Булган аймгийн Рашаант сумын нутаг Элсэн тасархайд өнгөрсөн амралтын өдрүүдээр авто замын дагуух үйлчилгээний цогцолборын шавыг тавьж, барилгын ажлыг эхлүүлжээ. Энэхүү цогцолбор барилга нь 2018-2019 онд ашиглалтад орж, зорчигч, тээвэрчдийн ая тухтай зорчих, үйлчилгээ авах боломжийг бүрдүүлэх юм.

Зам, тээврийн хөгжлийн яам, “Евро-Ази Бридж” ХХК-тай хамтран энэхүү цогцолборыг байгуулах ажилдаа орж байгаа аж. Эхний ээлжинд улсын чанартай авто зам дагуу үйлчилгээний 13 цогцолбор барилга байгууламж байгуулах шаардлагатай юм байна.

Засгийн газрын үйл ажиллагааны хөтөлбөрт тусгагдсан зорилтыг хэрэгжүүлэхийн тулд автотээврийн салбарт хэрэгжүүлэх дэд бүтцийг төр, хувийн хэвшлийн түншлэлийн хүрээнд бий болгох, аж ахуйн нэгжүүдийг дэмжих бодлого ийнхүү албан ёсоор хэрэгжиж эхэллээ.

Мөн хөдөлгөөний аюулгүй байдлыг  хангах, улс, хот хоорондын тээврийн автобусуудад хурд хэмжигч байршуулж, хөдөлгөөний хурдыг хянах тогтолцоог бүрдүүлж хэвшүүлэхээс гадна ачаа, тээшийг нэгдсэн зохицуулалтад оруулах зэрэг олон ажлуудыг хийж хэрэгжүүлсэн байна. Харин зорчигч, тээвэрчдийн хэрэгцээ шаардлагыг хангах үйлчилгээ буюу зоогийн газар, тээврийн хэрэгслийн зогсоол, дэд бүтэц зэрэг асуудал орхигдоод байсныг бодлогоор зохицуулж, шийдвэрлэж эхэлжээ.

 

Эх сурвалж: ЗТХЯ