Хөгжлийн бэрхшээлтэй иргэдэд асрамжийн төв байгуулах "Ачлалт үйлс" ХАНДИВЫН аяныг эхлүүллээ
Хөгжлийн бэрхшээлтэй иргэдэд зориулсан анхны жишиг халамж хамгааллын цогцолбор барих талаар “Ачлалт хүүхдүүд” ТББ-аас өнөөдөр мэдээлэл хийлээ.
"Ачлалт хүүхдүүд" ТББ-ын захирал Б.Саранбаатар "Хөгжлийн бэрхшээлтэй иргэдэд зориулсан асрамжийн үйлчилгээ, түр байлгах үйлчилгээ, сэргээн засах гэх мэт үйлчилгээний байгууллага хомс байдаг билээ. Иймд бид "Ачлалт үйлс" хандивын аяныг эхлүүлж байна.
Хөгжлийн бэрхшээлтэй иргэдэд зориулсан асрамжийн төв байгуулснаар асаргаа шаардлагатай 60 иргэн, 60-аас дээш насны 20 өндөр настан, түр асрамж шаардлагатай 20 иргэн буюу 100 хүнийг хүлээн авахаар төлөвлөж байна" гэв
""Ачлалт хүүхдүүд" ТББ нь үүсгэн байгуулагдаад хоёр жил болж байна. Манай байгууллага хөгжлийн бэрхшээлтэй иргэд болон зорилтот бүлгийн ахмад настануудад чиглэсэн үйл ажиллагаа явуулдаг. Одоогийн байдлаар нийт 26 өвчтөн байрлан асруулж байна.
Төсөлд оролцогч байгууллагууд:
- Хөдөлмөр нийгмийн хамгааллын яам,
- Орон нутгийн өөрийн удирдлагын байгууллагууд,
- Олон улсын байгууллагууд,
- Дотоодын хандивлагч байгууллагууд,
- Сайн дурын байгууллагууд.
Төслийн талаарх мэдээллийг "Ачлалт хүүхдүүд" ТББ хуудсаас авах боломжтой.
