Монгол үндэстэн хүүхдүүдийн урлагийн наадам боллоо
Олон улсын хүүхдийн “Найрамдал” цогцолборын “Хараацай” театрт энэ сарын 24-нд үндэсний хувцасаараа гоёсон бяцхан үрс дуу хуур, бүжгээ толилуулан урлагийн наадам хийлээ.
Энэ удаагийн урлагийн наадмаар улс үндэстний хүүхэд, багачуудыг урлагийн хөтөлбөрөөр нэгтгэж, эх дэлхийгээ хайрлан хамгаалахад өөрсдийн дуу хоолойгоо илэрхийлэх, авьяас чадварыг нээн илрүүлэх, хөгжүүлэх, соёлын солилцоог өргөтгөх, ардын өв уламжлал, соёлын өвөө дээдлэн түгээн дэлгэрүүлэх гээд олон олон эрхэм зорилтын дор дөрөв дэх жилдээ амжилттай зохион байгуулагдлаа.
Тус наадамд Монгол улс, БНХАУ-ын Өвөрмонголын өөртөө засах орон, Оросын холбооны Буриад улсын 40 гаруй дугуйлан сургууль, ордон, хамтлагийн 750 гаруй хүүхэд багачууд оролцсоноос төгсгөлийн шатанд 150 гаруй хүүхэд багачууд шалгарсан бөгөөд зусланд амарч байгаа орон орны найзууддаа тоглолтоо толилуулсан юм.
Мөн шилдгээр шалгарсан оролцогчидод шагнал гардуулав.
Эх сурвалж: Гэр бүл, хүүхэд, залуучуудын хөгжлийн газар
