Олон улсын стратегийн судалгааны хүрээлэнгийн (IISS) 2024 оны Military Balance report-ийн өгөгдлийг ашиглан дэлхийн хамгийн олон танк, хуягт машинтай 15 улсыг танилцуулж байна.
Шилдэг гурван улсыг нарийвчлан авч үзье:
Цэргийн хүчирхэг гүрний хувьд АНУ хамгийн олон танктай байгаад гайхах зүйлгүй. Тэд нийтдээ 45,000 гаруй хуягт байлдааны машин, 2,640 үндсэн байлдааны танк (ҮБТ), мөн нөөцөд нь 12,800 ширхэг танк, хуягт машин байгаа бөгөөд энэхүү нөөцийн 2,000 нь байлдааны танк юм.
Хүснэгт #1: АНУ-ын байлдааны танк болон хуягт машинууд дэлгэрэнгүй
Ангилал | Тоо |
---|---|
Main battle tanks | 2,640 |
Armored reconnaissance | 1,745 |
Infantry fighting vehicles | 3,262 |
Armored personnel carriers | 10,644 |
Amphibious assault vehicles | 1,401 |
Armored utility vehicles | 28,445 |
Storage | 12,800 |
Нийт | 60,937 |
Нидерландын нээлттэй эх сурвалж бүхий сайт болох Oryx-ийн мэдээлснээр, Орос Украинд довтолсноос хойш бараг 2,800 байлдааны танкаа алджээ. Military Balance report тайлангийн 2022 оны дугаарт ОХУ-д 2,927 байлдааны танк ашиглалтад байгаа гэж мэдээлж байжээ.
Орос улс дотоодын үйлдвэрлэлээ нэмэгдүүлснээр өнөөдрийн байдлаар 2,000 орчим байлдааны танк ашиглаж байна. Батлан хамгаалахын олон үйлдвэрийг төрийн өмчит Ростекийн мэдэлд авсан бөгөөд цаг наргүй ажиллаж байгаа талаар мэдээлэв.
ОХУ нь төсвийнхөө гуравны нэгийг батлан хамгаалахад зарцуулж байгаа нь ДНБ-ий 7.5 орчим хувьтай тэнцэж байна.
Хүснэгт #2: ОХУ-ийн нөөцийн өөрчлөлт 2023 vs. 2024
Ангилал | 2023 | 2024 | Өөрчлөлт |
---|---|---|---|
Main battle tanks | 5,000 | 4,000 | -20.0% |
Armored reconnaissance | 1,000 | 100 | -90.0% |
Infantry fighting vehicles | 4,000 | 2,800 | -30.0% |
Armored personnel carriers | 6,000 | 2,300 | -61.7% |
Нийт | 16,000 | 9,200 | -42.5% |
Хятад улс танк, хуягт машины нийт тоогоор 3-рт ордог ч гэсэн байлдааны танкныхаа тоогоор дэлхийд тэргүүлж байна. Ер нь Ардын чөлөөлөх армид нөөц танк, хуягт машин байдаггүй бөгөөд энэ нь Хятад улс армиа эрчимтэй шинэчилж байдагтай холбоотой юм.
Нөгөөтээгүүр хэрэв Хятад улс Тайванийг эх газарт хүчээр нэгтгэх оролдлого хийвэл барууны холбоотнууд тулалдаанд орохоос өмнө арлыг бүрэн эзлэхийн тулд хөнгөн хуягт механикжсан ангиуд нь хурдтай хөдөлж байх ёстой.
Хүснэгт #3: БНХАУ-ын байлдааны танк болон хуягт машинууд дэлгэрэнгүй
Ангилал | Тоо |
---|---|
Main battle tanks | 4,700 |
Light tanks | 1,330 |
Wheeled guns | 1,250 |
Infantry fighting vehicles | 8,200 |
Armored personnel carriers | 3,604 |
Airborne combat vehicles | 180 |
Amphibious assault vehicles | 990 |
Нийт | 20,254 |
Эх сурвалж: voronoiapp.com