НӨАТ-ын урамшууллын 18 удаагийн сугалааны тохирлоор 83 МЯНГАН иргэн азтан болжээ
НӨАТ-ын урамшууллын 18 дахь удаагийн сугалааны тохирлоор азтан болсон зарим иргэнд батламж гардууллаа.
Иргэдэд батламж гардуулах ёслолыг нээж ТЕГ-ын Татварын орлогын газрын дарга Д.Цогтжаргал "Нэмэгдсэн өртгийн албан татварын тухай хуулийг хэрэгжүүлснээр 2016 оны урьдчилсан байдлаар Татварын алба улсын төсөвт 1.5 их наяд төгрөгийн татварын орлого төвлөрүүлсэн. Үүний 35 хувь буюу 537.5 тэрбум төгрөг нь нэмэгдсэн өртгийн албан татварын орлого байна.
Хууль хэрэгжсэнээр 38,825 бизнес эрхлэгч, хувь хүн хуулийн этгээд стандартын шаардлага хангасан бүртгэлийн машин хэрэглэж, мэдээллийг төлбөр тооцооны бүртгэлийн системд илгээж хэвшээд байна. Ингэснээр борлуулалтын орлогын хэмжээ нь хуулийн шаардлага хангасан 2,020 татвар төлөгч шинээр нэмэгдсэн өртгийн албан татвар суутган төлөгчөөр бүртгэгдсэн.
Түүнчлэн оны эхний 11 сарын байдлаар 618,862 иргэн цахим төлбөрийн баримтын системд хэрэглэгчээр бүртгүүлэн 18 удаагийн сугалааны тохирлоос 83 мянган иргэн азтан болж сугалааны урамшуулал авлаа. Тэдгээр иргэддээ бүгдэд нь шинэ онд аз хийморьтой байхыг ерөөе" хэмээн хэллээ.
Урамшуулал авах боломжтой хэрэглэгчдээс 476,592 нь бүртгэлээ баталгаажуулсан бөгөөд үлдсэн хэрэглэгчийн нэр дансны дугаарыг банк шалгаж дуусаагүй байгаа гэдгийг татварын албаныхан хэллээ.
18 дахь удаагийн сугалааны тохирлоор азтан болсон иргэд:
