СЭРЭМЖЛҮҮЛЭГ: Орон гэр, хашаа хороогоо борооны ус орохоос ХАМГААЛААРАЙ

Гэрэл зургийг Mpa.mn

Ус цаг уур орчны шинжилгээний газраас ирүүлсэн мэдээллээр 29, 30-нд зарим дүүргээр түр зуурын бороо орно. Дуу цахилгаантай. Салхи ихэнх хугацаанд өдөртөө 6-11 м/с, зарим үед 12-14 м/с хүрч ширүүснэ. Салхи шөнөдөө 0-5 м/с байна. Шөнөдөө Багануур, Тэрэлж орчмоор 10-15 градус, бусад дүүргээр 15-20 градус дулаан, өдөртөө нийт дүүргээр 24-29 градус дулаан байна.

Наймдугаар сарын 1,3-нд нийт дүүргээр түр зуурын бороо орно. Шөнөдөө тэрэлж орчмоор 8-13 градус дулаан бусад дүүргээр 15-20 градус дулаан, өдөртөө нийт дүүргээр 29-34 градус хүртэл халах төлөвтэй байна. 

Сэрэмжлүүлэг

• усархаг бороо орсны улмаас голын усны түвшин нэмэгдсэн байгаа тул голын усанд орох /тогтоол ус/, сэлэх, голын эрэг дагуу удаан хугацаагаар байрлахгүй байх
   
• гол, усыг гатлахдаа батлагдсан зам, маршрутаар гарах, усанд боогдох эндэж осолдохоос урьдчилан сэргийлэх
   
• тогтоол усанд орохгүй түүний ойр орчим байрлахгүй байх
   
• айл, өрхүүд орон гэрээ, хашаа хороогоо борооны ус орохоос хамгаалж суваг, шуудуу татах
   
• хүчтэй салхинаас хамгаалж даруулга, бэхэлгээ хийх
   
• хүүхдэд тавих хараа хяналтыг сайжруулах, гол мөрөн, нуур цөөрмийн орчимд тоглуулахгүй, орхихгүй байх
   
• согтууруулах ундаа болон сэтгэцэд нөлөөлөх эм бэлдмэл хэрэглэсэн үедээ голын усанд орохгүй байх
   
• малыг туухдаа батлагдсан замаар гарах
   
• аянга цахилгаан, аадар бороонд цохиулахаас сэргийлэх
   
• аж ахуйн нэгж, албан байгууллагууд гамшгаас хамгаалах төлөвлөгөөнд тодотгол хийх, ажлын хэсгийг үүрэг даалгавраар хангах
   
• борооны цув, резинэн гутал, мотопомп зэрэг үер, усны үед зайлшгүй шаардлагатай хувцас, техник, багаж хэрэгслийг бэлтгэх
   
• борооны ус зайлуулах шугам, гаргалгааг шалгахыг Нийслэлийн онцгой байдлын газраас сэрэмжлүүлж байна.

 
Эх сурвалж: НОБГ