Ой, хээрийн түймрийн эрсдэл ихтэй аймгууд ЗИЛ-131 автомашинтай боллоо

Батлан хамгаалахын сайдын А/211 тоот тушаал, Зэвсэгт Хүчний Жанжин Штабын даргын А/69 тоот тушаалаар Орхон аймгийн Зэвсэгт хүчний 186 дугаар ангид ашиглагдаж байсан туулах чадвар сайтай 10 ширхэг ОХУ-ын ЗИЛ-131 автомашиныг Онцгой байдлын албанд хүлээлгэн өгөхөөр болсон.

Эдгээр авто машинуудыг Онцгой байдлын байгууллагад хүлээлгэн өгөх ёслолын ажиллагаа өнөөдөр Орхон аймагт боллоо.

Онцгой байдлын байгууллагаас эдгээр автомашиныг ой, хээрийн түймрийн эрсдэл ихтэй аймгуудын Онцгой байдлын газруудад олгохоор болсон юм.

 

 

 

Тус ёслолын ажиллагаанд ЗХЖШ-ын ар тал, техник хангалтын хэлтсийн ахлах мэргэжилтэн, инженер, хурандаа Б.Бямбаа, ОБЕГ-ын Санхүү хөрөнгө оруулалтын газрын дарга, хошууч Я.Гантөмөр, Улсын нөөц, хүмүүнлэгийн тусламжийн газрын дарга, хошууч Ч.Цогбаяр, Орхон аймгийн ЗДТГ-ын Захиргаа удирдлагын газрын дарга Ш.Ганболд, Цэргийн штабын дарга, хурандаа Г.Батсуурь, Онцгой байдлын газрын дарга, онцгой байдлын хурандаа Г.Ганбаатар, Зэвсэгт хүчний 186 дугаар ангийн захирагч, хурандаа Жигжидсүрэн нарын албаны хүмүүс оролцов гэж Орхон аймгийн Онцгой байдлын газраас мэдээллээ.