Францын цагдаа Ким Кардашяныг дээрэмдсэн хэрэгт сэжиглэн 15 хүнийг баривчилжээ

Реалити шоуны од Ким Кардашяныг дээрэмдсэн хэрэгт сэжиглэгдсэн 15 хүнийг цагдаа нар баривчилж, байцааж эхэлснийг Францын хэвлэлүүд өнөөдөр мэдээллээ.

Өнгөрсөн оны аравдугаар сарын 3-ны шөнө 36 настай олны танил эмэгтэйг Парис дахь орон сууцанд байхад нь зэвсэгт этгээдүүд халдаж $9.5 сая орчмын үнэтэй гоёлын эд зүйлсийг нь дээрэмдсэн юм.

Хэргийн газар үлдсэн эд мөрийн баримтаас авсан ДНХ шинжилгээний үр дүнд тэдгээр сэжигтнүүдийг илрүүлсэн байна.

Тухайн өдрийн 03:00 цагт цагдаагийн хувцас, баг өмссөн таван этгээд Парисын хувцас загварын долоо хоногт ирсэн Ким Кардашяны байранд нэвтрэн дээрэмдээд зугтсан болохыг цагдаа нар тухайн үед мэдээлж байсан юм.

Эх сурвалж: Time.Com