Монголын Хөлбөмбөгийн Холбооны цом 2016 тэмцээний өнгөрсөн Даваа гарагийн 15:00 цагийн хагас шигшээ тоглолт болох "Дэрэн" болон "Хоромхон" багуудын тоглолтын үеэр "Хоромхон" багийн зарим тоглогчид болон албаны хүмүүс шүүгчийн бүрэлдэхүүнийг хэл амаар доромжилж, спортын бус авир гаргасан байна.
Тухайлбал, "Хоромхон" багийн эмч Н.Болор-Эрдэнэ нь талбайн 1-р туслах шүүгч Т.Галдансүхийн биед нь ноцтойгоор халдсан нь баримтаар нотлогдож байгаа тул Монголын Хөлбөмбөгийн Холбооны Онцгой байдлын хороо өнгөрсөн Мягмар гарагт хуралдаж дараах шийдвэрийг гаргажээ.