Өчигдөр Nowherelse.fr сайт Хятадын Вейбо сүлжээнээс олж авсан iPhone 7-гийн зурагнуудыг дэлгэн үзүүлжээ.
Үүнээс харвал Apple нь ирэх намар гурван янзын iPhone 7 зарлаж магадгүй байна. Өнөөг хүртэл 4.7 ба 5.5 инч хэмжээтэй хоёр загварын тухай яригдаж байсан бол үүн дээр нэмээд iPhone 7 Pro хэмээх загвар гарах бололтой.
Уг загвар нь хос камертай, нэмэлт төхөөрөмж залгах смарт залгууртай, мэдээж илүү хүчин чадалтай байх гэнэ.
Өөрөөр хэлбэл iPhone-ий 5.5 инчийн том загвар нь хоёр хувилбартай гарна гэсэн үг.
Ийнхүү iPhone зарлагдах хүртэл сар гаруй хугацаа үлдээд байгаа тул түүнтэй холбоотой таамаг, цуурхал улам бүр нэмэгдэж байна.
Эх сурвалж: Mashable