Самсунгийн шинэ Galaxy Note ухаалаг гар утсыг ирэх сарын 2-нд танилцуулна
Самсунг корпорацийн Galaxy Note ухаалаг гар утасны шинэ загварыг наймдугаар сарын 2-нд танилцуулахаар болжээ.
Танилцуулах арга хэмжээний урилгыг өчигдөр Нью-Йорк хотод хэвлэлийнхэнд тараасан байна.
Энэ нь хэдийгээр Galaxy Note бүтээгдэхүүний зургаа дахь загвар боловч Самсунг корпораци өөрийн Galaxy S7 гар утастай ижил дугаарлалттай болгон Galaxy Note 7 гэж гаргах гэж байгаа гэсэн мэдээлэл тараад байгаа. Үүнийг баталж Самсунгийн урилга дээр “7”-ийн тоог дүрсэлжээ.
Урьдчилсан таамаглалаар Galaxy Note 7 нь 5.7 инч дэлгэц, 12MP камер, утсанд нэвтрэхдээ ашиглах нүдний эвэрлэг бүрхэвч унших сканнер, усны хамгаалалт зэрэг боломжуудтай гарах гэнэ.
Үүнээс гадна Note 7 нь Galaxy S7 Edge шиг нугарсан ирмэгтэй ганц хувилбараар бүтээгдсэн гэжээ.
Ийнхүү есдүгээр сард Apple компани iPhone 7-гоо танилцуулахаас өмнө Самсунг Note 7-г өрсөж танилцуулах болсон байна.
Эх сурвалж: Techinsider
