Боловсон хүчнүүддээ үнэлэгдсэн сайд
Боловсрол, шинжлэх ухааны сайд Л.Гантөмөрт салбарынхан нь их л ам сайтай байгаа бололтой.
Түүгээр ч зогсохгүй түүнийг “Боловсролын шинэчлэлийг тэргүүлэгч онцлох хүн”-ээр шалгаруулж, шагнажээ.
Монголын багш нарын холбооноос жил бүр уламжлал болгон зохион байгуулдаг “Ардын багш есөн эрдэнэ” ёслолын ажиллагаа өнгөрсөн бямба гарагт болсон бөгөөд энэ үеэр шагналыг нь гардуулсан байна.
Л.Гантөмөр сайдын хийж буй шинэчлэл нь өмнөхүүдээс өөр буюу үндэсний хэв шинжийг агуулсан, хүүхэд нэг бүрээ гэсэн үндэсний хэмжээний ажил болж байгаа гэнэ.
Түүнчлэн багш бүрийнхээ сэтгэлд нийцсэн, тэднийхээ хөгжилд анхаарсан бодлого баримталж, ажиллах эрх чөлөөг олгосон нь сурган хүмүүжүүлэгчдэд их таатай санагдаж байгаа аж. Тиймээс салбарын сайддаа дээрх шагналыг олгожээ.
