Бүрэн Цутгамал ХХК Сант сургуулийн өргөтгөлийн барилга дээр гурван сар ажиллажээ. Тус компани ажлын хөлсөнд 1 тэрбум 200 орчим сая төгрөгийг дансаар авсан нь баримтаар нотлогддог..
Гэвч ажлын хөлсөндөө хийх ёстой ажлаа гүйцэд хийлгүй, барилгын ажлаа хаяж явсан байна. Үүний улмаас Сант сургууль Бүрэн Цутгамал ХХК-ийг шүүхэд өгчээ.
Шүүх Бүрэн Цутгамал ХХК Сант сургуулийг 120 орчим сая төгрөгөөр хохироосон байгааг тогтоосон ч, тус компанийн захирал Б.Батдэлгэр өөрөө хохирсон хэмээн өлсгөлөн зарлаад байгаа юм.
Түүнд шүүхийн шийдвэрийг эсэргүүцэн, давж заалдах шатны шүүхэд гомдол гаргах эрх нь нээлттэй аж. Мөн өөрийнх нь холбогдсон эрүүгийн хэрэг Өршөөлийн хуульд хамрагдсан бөгөөд гэм буруутай нь тогтоогдсон ч ялаас чөлөөлөгдөх юм.
Сант сургуулийн өргөтгөлийн барилгын ажилд Бүрэн Цутгамал ХХК-д шилжүүлсэн төлбөрүүд:
№ | Огноо | Үнийн дүн |
1 | 2013.06.07 | 100,000,000 төгрөг |
2 | 2013.06.18 | 200,000,000 төгрөг |
3 | 2013.06.27 | 100,000,000 төгрөг |
4 | 2013.07.08 | 70,000,000 төгрөг |
5 | 2013.07.25 | 100,000,000 төгрөг |
6 | 2013.08.18 | 131,502,000 төгрөг |
7 | 2013.08.28 | 90,000,000 төгрөг |
8 | 2013.09.01 | 120,000,000 төгрөг |
9 | 2013.09.06 | 90,000,000 төгрөг |
10 | 2013.09.20 | 100,000,000 төгрөг |
11 | 2013.12.14 | 71,341,200 төгрөг |
12 | 2013.12.29 | 26,164,574 төгрөг |
Нийт | 1,199,007,774 төгрөг |
Сүүлийн жилүүдэд шүүх хурал болохоос өмнө ба дараа жагсаал цуглаан зохион байгуулах, хэвлэлийн хурал хийх, өлсгөлөн зарлах зэргээр шүүхийн шийдвэр, олон нийтийн санаа бодолд нөлөөлөх оролдлого хийдэг этгээдийн тоо олширчээ.