Марк Зукерберг хоёр дахь охиноо өлгийдлөө

Хэдхэн цагийн өмнө Фэйсбүүк компанийн үүсгэн байгуулагч Марк Зукерберг хоёр дахь охиноо өлгийдөж авснаа зарлажээ. Марк, түүний эхнэр Присилла Чан нар охиндоо төрсөн сарыг нь билэгдэн August хэмээх нэр хайрласан байна.

Латин хэлний Augustus хэмээх үгнээс гаралтай энэ нэр бишрэл хүндлэл гэсэн утгатай гэнэ. Август хэмээх нэрийг Америкчууд охидуудаас илүү хөвгүүдэд өгдөгийг статистик тоо баримт харуулж байна.

2016 онд Август нэрийг хүүхдэд өгөх явдал хамгийн их байсан ба нийт 222 охин, 2,076 хүүд өгсөн болохыг АНУ-ын Нийгмийн Хамгааллын Захиргааны мэдээлэл харуулжээ.

Марк, Присилла нар 2015 онд төрсөн анхны охиндоо Макс хэмээх нэр өгч байсан нь мөн Латин хэлний Maximus хэмээх нэрнээс гаралтай юм.

Эх сурвалж: Time.Com