Монгол Улсын Их Сургууль нь “Ажил мэргэжил судлал” магистрын зэрэгтэй “Ажил мэргэжлийн зөвлөх” мэргэжилтэнг улсын хэмжээнд 2017-2018 оны хичээлийн жилд анх удаа 1-1.5 жилийн хугацаатай бэлтгэж эхэллээ.
Хөтөлбөрийг боловсруулах явцад Германы Холбооны Хөдөлмөрийн Агентлагийн дэргэдэх Хэрэглээний Хөдөлмөр Судлалын Их Сургууль (Hochschule der Bundesagentur für Arbeit (HdBA))-ийн эрдэмтэн багш нар оролцсон бөгөөд цаашид гадаадын зочин багш нартай хамтран сургалтыг зохион байгуулахаар төлөвлөж байна.
“Ажил мэргэжил судлал”-ын магистрын хөтөлбөрийг хэрэгжүүлэх салбар дундын багийн бүрэлдэхүүнд:
“Ажил мэргэжил судлал” магистрын хөтөлбөр нь 1-1.5 жилийн хугацаанд нийт 36 багц цагийг судална.
“Ажил мэргэжил судлал” мэргэжлээр магистрын хөтөлбөрийг дүүргэсэн суралцагч “Ажил мэргэжлийн зөвлөх” гэсэн магистрын зэргийн дипломыг гардан авах бөгөөд дараах чиглэлд ажиллах болон судалгаа хийх боломжтой. Үүнд:
Ажил мэргэжлийн зөвлөх үйлчилгээ нь тодорхой хугацаанд ажил хөдөлмөр эрхлээгүй иргэд, ЕБС-ийн сурагчид, оюутан, залуучууд, шилжин ирэгчид, тусгай хэрэгцээт иргэдийн ажил мэргэжилд чиглэсэн хүсэл сонирхол, чадавх, боломжийг тодорхойлох, тэдэнд мэргэжлийн чиг баримжаа олгох, ажил мэргэжилтэй холбоотой мэдээлэл, зөвлөгөө өгөх, ажилд зуучлах зэрэг олон талын цогц үйлчилгээг хамрах юм.
“Ажил мэргэжил судлал” магистрын хөтөлбөрт суралцагч нь амжилттай суралцсан тохиолдолд дараах тэтгэлэгт хамрагдах боломжтой. Үүнд: Монгол улсын Ерөнхийлөгчийн, Ерөнхий сайдын нэрэмжит үндэсний тэтгэлгүүд, МУИС-ийн нэрэмжит тэтгэлэг, гадаад дотоодын байгууллага, сангуудын нэрэмжит тэтгэлэг, болон оюутан солилцооны тэтгэлэг зэрэг байна.