Зэвсэгт хүчний бие бүрэлдэхүүн Монгол Улсын Ерөнхийлөгчид хүндэтгэл үзүүлэх ПАРАД болно

Монгол Улсын Үндсэн хуулийн дагуу Ерөнхийлөгч Монгол Улсын Зэвсэгт хүчний ерөнхий командлагч байдаг билээ. 

Тиймээс ч маргааш буюу долоодугаар сарын 21-ний 11:00 цагт Д.Сүхбаатарын талбайд Зэвсэгт хүчний бие бүрэлдэхүүн Монгол Улсын шинэ Ерөнхийлөгчид хүндэтгэл үзүүлэх парад болох юм байна. 

Ерөнхийлөгч хуулийн дагуу:

• бүх нийтийн буюу хэсэгчилсэн цэргийн дайчилгаа зарлах, 
• онцгой нөхцөл бий болбол Улсын Их Хурлын чуулганы чөлөө цагт, хойшлуулшгүй тохиолдолд улсын нийт нутаг дэвсгэрт буюу зарим хэсэгт нь онц болон дайны байдал зарлах, түүнчлэн цэрэг хөдөлгөх захирамж өгөх.  (Онц байдал, дайны байдал зарласан Ерөнхийлөгчийн зарлигийг Улсын Их Хурал уул зарлиг гарснаас хойш долоо хоногийн дотор хэлэлцэж батлах буюу хүчингүй болгоно. Хэрэв Улсын Их Хурал шийдвэр гаргаагүй бол уул зарлиг хүчингүй болно) эрхтэй байдаг билээ.