СУДАЛГАА: ЕБС-ын сурагчид ямар орчинд сурч байна вэ?
Сургууль бол хүүхдийн ихэнх цагийг өнгөрүүлдэг, сурагчдын сурч боловсрох, нийгмийн харилцаанд орох, бие хүн болох эх суурийг бүрдүүлдэг олон талын ач холбогдол бүхий чухал орчин юм.
Дотоод орчны агаарын бохирдлыг үр дүнтэй, зохистой арга хэмжээ авч хэрэгжүүлээгүй тохиолдолд хүний эрүүл мэнд, эдийн засаг болон боловсролын түвшинд дараах сөрөг үр дагавар үүсдэг. Үүнд:
- Сурагчдын суралцах чадвар буурах;
- Сурагчдын биеийн дархлаа сулрах;
- Амьсгалын замын өвчлөл нэмэгдэх;
- Хичээл таслалт нэмэгдэх;
- Багш, ажилчдын ажлын бүтээмж буурах, бие өвдөх зэрэг болно.
Дэлхийн улс орнуудад сургуулийн дотоод орчны агаарын чанарын талаарх судалгаа нилээдгүй хийгдэж агаарын чанарыг сайжруулах аргуудыг хэрэгжүүлсээр байна.
Улаанбаатар хотын дөрвөн дүүргийн анги танхимын агаар дахь нарийн ширхэглэгт тоосонцрын агууламж, мкг/м3
Сургуулийн дотоод орчны агаарын бохирдлоос сэргийлэхэд арга замууд
Сургуулийн халаалтыг оновчтой шийдвэрлэх
- Цахилгаанаар
- Хийн халаалт
- Ханан халаалтгэх мэт.
Ангийн цэвэрлэгээ
- Хичээлийн ээлж хооронд анги танхимд чийгтэй цэвэрлэгээг хийж хэвших
- Анги танхимын хог хаягдлыг өдөр бүр зайлуулах
- Үнэр ихтэй агаар цэвэршүүлэгч ашиглахгүй байх
- Ариутгал, цэвэрлэгээний бодисыг зохистой ашиглах
Ангийн агааржуулалт
- Завсарлагааны үеэр ангиас гарч, цонх салхивчийг онгойлгож байх
- Агааржуулалтын хоолойг чөлөөтэй урсгалтай байлгах
- Цэцэг, ногоон ургамал тарих (мөнхрөө, инжир, зуун наст гэх мэт)
Чанартай материалаар хийгдсэн ширээ, сандал сонгох
- Аль болох цэвэр модон бүтээгдэхүүн сонгох
- Ангийн цонх, шал, хана туургийг стандартын шаардлага хангасан будгаар будах
Нэг ангид суралцах хүүхдийг тоог бага ангид 30-аас, дунд ангид 35-аас хэтрүүлэхгүй байхыг зөвлөж байна.
Эх сурвалж: Нийгмийн Эрүүл Мэндийн Хүрээлэн
