Их, Дээд сургууль, Коллеж, Мэргэжил Сургалт Үйлдвэрлэлийн Төвийн сурагч, оюутнуудын хөнгөлөлттэй зорчих цахим төлбөрийн картын тухай “Улаанбаатар смарт карт” ХХК, Нийслэлийн Хөдөлмөрийн Газар болон Нийслэлийн Боловсролын Газраас мэдээлэл хийлээ.
Нийслэлийн Иргэдийн төлөөлөгчдийн хурлаар баталсан Их, Дээд сургууль, Коллеж, Мэргэжил Сургалт Үйлдвэрлэлийн Төвийн сурагч, оюутанд нийтийн тээврийн цахим төлбөрийн карт олгох, цэнэглэх, ашиглахад баримтлах журмын дагуу хөнгөлөлттэй зорчих эрхтэй цахим төлбөрийн картыг 2016-2017 оны хичээлийн жилд дараах байдлаар зохион байгуулахаар болжээ.
Энэ тухай “Улаанбаатар смарт карт” ХХК-ийн Үйл ажиллагааны хэлтэс, тээврийн хэсгийн ахлах менежер Ц.Түвшинжаргал "Шинээр карт олгох болон сунгалт хийх ажлууд тухайн Их, Дээд сургуулиудаар дамжуулан хийгдэнэ. Тэгэхээр оюутнууд сургуулийн захиргаандаа хүсэлт гаргаж, сунгалт хийлгэх оюутнууд картаа хураалгах шаардлагатай байгаа. Хураасан картуудад нэгдсэн байдлаар сунгалт хийж, эргүүлэн олгоно. Шинээр карт олгоход 3600 төгрөгийг нэг удаа төлөөд, тухайн картаа нэг жилийн турш ашиглах боломжтой" хэмээн онцоллоо.
Шинээр цахим төлбөрийн карт олгох:
Шинээр хөнгөлөлттэй зорчих карт авах эрх бүхий оюутан өөрийн сургуульдаа хандан картаа захиална.
Цахим төлбөрийн карт сунгах:
Нийтийн тээврээр зорчих цахим төлбөрийн картыг өнгөрсөн жил авсан оюутнууд 2016-2017 оны хичээлийн жилд сунгуулан ашиглана. Сунгалт хийлгэхдээ оюутан сурагчид картаа нэгдсэн журмаар сургуульдаа хураалган, буцаан авна.
Цуглуулсан картуудыг жагсаалтаар баталгаажуулан
МСҮТ болон Коллежийн оюутан, сурагчдад карт олгох тухай Нийслэлийн Хөдөлмөрийн Газрын оюутны хөтөлбөр хариуцсан ажилтан Л.Амаржаргал "2015-2016 оны хичээлийн жилд Улаанбаатар бүсэд оршдог 32 МСҮТ, Коллежийн захиалгыг авч 13,200 гаруй оюутан, сурагчдаас 12,400 орчимд нь карт олгосон.
Энэ жилийн хувьд өмнөх жилийн жишгээр 12,000 орчим оюутан, сурагчдад шинээр карт олгох, сунгах, гээгдүүлсэн картыг дахин олгох гэсэн үйл ажиллагааг Нийслэлийн Хөдөлмөрийн Газраас хэрэгжүүлнэ" гэв.
Харин хөнгөлөлттэй зорчиж байгаад төгссөн оуютнуудын хувьд картаа үргэлжлүүлэн ашиглах боломжтой бөгөөд хөнгөлөлттэй зорчих горим нь энгийн горимд шилжсэн байгаа ажээ. Өөрөөр хэлбэл энгийн карттай ижилхэн тогтмол цэнэглэж ашиглах боломжтой юм байна.