Замын-Үүд дэх гаалийн байцаагч нар авлигын хэргээр удаа дараа хууль, хяналтынхан дуудагдаад байгаа.
Авлигатай тэмцэх газраас энэ удаа тус газрын улсын байцаагчдын томилгоог судалжээ. Гааль, татварын ерөнхий газраас Замын-Үүд дэх гаалийн газарт өнгөрсөн онд 81 гаалийн байцаагчийг сэлгэн томилохдоо тэдний хувийн ашиг сонирхлын урьдчилсан мэдүүлгийг хянуулаагүй байжээ.
Мөн тухайн албан тушаалд томилсны дараа мэдүүлгийг хянуулахаар ирүүлсэн, ажлын байрны тодорхойлолт, хуульд заасан шаардлага хангаагүй байцаагч нарыг томилсон нь холбогдох хуулийг зөрчжээ.
Тиймээс Гааль, татварын ерөнхий газрын даргад боловсон хүчин, хүний нөөц, томилгооны асуудлыг хууль тогтоомжид нийцүүлэх, ашиг сонирхлын зөрчлөөс урьдчилан сэргийлэхийг шаарджээ.