"Монгол хэлний их тайлбар толь"-ийн iOS хувилбар гарчээ
Өнөөдрөөс эхлэн "Монгол хэлний их тайлбар толь"-ийн iOS хувилбарыг татаж авч хэрэглэхэд бэлэн боллоо. Татаж авах хаяг: https://itunes.apple.com/us/app/id1084230579
Андройд үйлдлийн систем болон таблет-д зориулсан гар утасны хувилбарыг хоёрдугаар сарын 2-ноос хэрэглэгчид шууд хүлээн авч эхэлсэн.
Харин техникийн шалтгаанаар түүнээс 20 хоногийн дараагаас iOS үйлдлийн системд зориулсан хувилбарыг хэрэглэгчид хүлээн авах боломжтой гэдгийг тухайн үед мэдээлж байсан билээ.
Монгол Улсын Ерөнхийлөгч Ц.Элбэгдоржийн санаачилга, Ерөнхийлөгчийн Тамгын газрын дэмжлэгээр ШУА-ийн Хэл зохиолын хүрээлэн, Информатикийн хүрээлэнгийн эрдэмтэн судлаачид хамтран Монгол хэлний их тайлбар толийг /www.монголтоль.мон, www.mongoltoli.mn/ 2014 оны 12 дугаар сараас 2015 оны 12 дугаар сарын хооронд 1 жилийн хугацаанд бүтээсэн билээ.
Уг их тайлбар цахим толийн гар утасны хувилбарын нээлтийг энэ хоёрдугаар сарын 2-ны өдөр хийсэн юм.
