Аяга, таваг угаагч шингэн нь арьсыг бага цочроогч шинж чанар бүхий хөөс үүсгэх чадвартай гадаргуугийн идэвхт бодисоос бүрддэг. Угаалгын бодис бүтээхээс өмнө Дэлхийн 1-р дайны үед Германд аяга таваг угаахад натрийн карбонатыг ашигладаг байсан. Аяга, таваг угаагч шингэнийг 20-р зууны дунд үеэс үйлдвэрлэж эхэлсэн байна. 2005 онд аяга, таваг угаагч шингэний жижиглэн худалдааны орлого нь 10 тэрбум долларт хүрчээ.
Аяга, таваг угаагч шингэний найрлагад ус, гадаргуугийн идэвхт бодис, хадгалалтын хугацаа уртасгагч бодис, үнэрт бодисууд ордог. Зарим аяга, таваг угаагч шингэний найрлагад фосфор агуулагддаг ба фосфор нь бохир усыг цэвэрлэх үйл ажиллагаанд саад учруулдагтай холбоотойгоор АНУ-ын зарим мужид фосфор агуулсан аяга, таваг угаагч шингэнийг хэрэглэхийг хориглосон.
2010 онд АНУ-д зарим угаагч шингэн дэх триклосаны асуудал сөхөгдөн гарч ирсэн. Триклосан нь микробын эсрэг үйлчилгээтэй бодис ба фосфорын адилаар бохир усыг цэвэрлэх үйл ажиллагаанд саад учруулдаг байна. АНУ-ын Хүнс ба эмийн удирдах газраас аяга, таваг угаагч шингэнд триклосан агуулагдах нь эрүүл мэндийн хувьд ямар ч үр ашигггүй гэдгийг тогтоосон байна. 2014 оны байдлаар АНУ-ын зарим мужууд триклосан агуулсан аяга, таваг угаагч шингэн хэрэглэхийг хориглосон байдаг.
Аяга, таваг угаагч шингэний гол найрлаганд ордог анионы болон ионы бус гадаргуугийн идэвхт бодис, үнэрт бодисууд нь арьс цочроох болон гарын экзема үүсгэх эрсдэлтэй. Иймээс мэдрэмтгий арьстай хүмүүс аяга, таваг угаагч шингэнийг хэрэглэхгүй байх, хэрэглэх тохиолдолд бээлий өмсөх хэрэгтэй. Аяга, таваг угаагч шингэний найрлагад ордог анионы болон ионы бус гадаргуугийн идэвхт бодисууд нь хорон чанар багатай бодисууд юм.
Тасалгааны температурт, сэрүүн, хуурай газарт, хүйтэн, халуун нөхцөлд хадгалахад тохиромжгүй, хүүхдээс хол байлгах, бүтээгдэхүүний шошгыг гэмтээхгүйгээр хадгална.
Эх сурвалж: НЭМХ-ийн Хор судлалын лаборатори