ХАХНХ сайд С.Эрдэнэ НҮБ-ын Ерөнхий Ассамблейн 70 дугаар чуулган 3 дугаар хорооны хуралдаанд үг хэлэв

2015 оны аравдугаар сарын 7-ны өдөр НҮБ-ын Ерөнхий Ассамблейн 70 дугаар чуулганы 3 дугаар хорооны Нийгмийн хөгжлийн асуудлаарх хуралдаанд Хүн амын хөгжил, нийгмийн хамгааллын сайд С.Эрдэнэ оролцож үг хэлэв.

Хэдхэн хоногийн өмнө болсон НҮБ-ын Дээд хэмжээний уулзалтаар баталсан 2030 он хүртэлх Тогтвортой хөгжлийн бүх нийтийн 17 зорилтын 9 нь нийгмийн асуудалтай хамааралтай тул бид ядуурлыг арилгах, нийгмийн эрх тэгш бус байдлыг бууруулах зорилтуудад хамтын хүчээр хүрэх түүхэн эрин үеийн эхэнд байна гэж тэрээр үгийнхээ эхэнд онцлов.