Уншиж байна ...
ХУУЧИРСАН МЭДЭЭ: 2015/05/27-НД НИЙТЛЭГДСЭН

Дүүрэг бүрт "Хүүхдийн баяр"-ыг тэмдэглэнэ

www.ulaanbaatar.mn
2015 оны 5 сарын 27
ulaanbaatar.mn
Зураг зураг

Олон улсын хүүхдийн эрхийг хамгаалах өдрийг тэмдэглэн өнгөрүүлэх ажлын хүрээнд нийслэлийн Засаг даргын Тамгын газраас жил бүр “Хүүхдийн баярын нэгдсэн арга хэмжээ”-г Их эзэн Чингис хааны нэрэмжит талбайд зохион байгуулдаг уламжлалтай.

Энэхүү уламжлалын дагуу зургаадугаар сарын 01 – ний өдөр төв талбайг хүүхдүүдэд зориулан чимэглэн,12 жил, Жангарын 6 баатрыг байрлуулна. Энэ үеэр хүүхдүүд төрөл бүрийн тэмцээн уралдаанд оролцохоос гадна Диснейн болон Амилагийн найзууд, 12 жилийн амьтадтай дурсгалын зураг татуулж, урлагийн тоглолт үзэх боломжтой юм.


Мөн энэ өдөр нийслэлийн 9 дүүрэгт “Хүүхдийн баяр” - ын  арга хэмжээг зохион байгуулна. Үүнд:  

  • Баянзүрх дүүрэг - 09:30 цагаас “Өргөө - 2” кино театрт “Хүүхдийн баяр” - ын нэгдсэн арга хэмжээний нээлтийн үйл ажиллаагааг зохион байгуулна. Хүүхдүүдэд кино үзүүлж, Хороодод Хүүхдийн баярын арга хэмжээ болно
     
  • Сүхбаатар дүүрэг - Чингисийн талбайд нэгдсэн арга хэмжээтэй хамтрах ба хороодоор хүүхдийн баярын арга хэмжээг зохион байгуулна. Хагас болон бүтэн өнчин хүүхдүүдэд гарын бэлэг гардуулна
     
  • Баянгол дүүрэг - 11:00 цагаас Улаанбаатар паласт Хүүхдийн баярын арга хэмжээ болно. Мөн 12:30 цагаас Баянгол дүүргийн Засаг даргын Тамгын газраас Улаанбаатар Палас хүртэл парад алхана
     
  • Багануур дүүрэг - 11:00 цагаас төв талбайдаа Хүүхдийн баярын арга хэмжээг зохион байгуулна
     
  • Багахангай дүүрэг - 11:00 цагаас төв талбайд Хүүхдийн баярын арга хэмжээ болно
     
  • Налайх дүүрэг - 10:00 цагаас төв талбайд Хүүхдийн баярын арга хэмжээ болно.
     
  • Хан-Уул дүүрэг - 05 дугаар сарын 28 – 31 - ний өдрүүдэд хороодод Хүүхдийн баярын арга хэмжээг зохион байгуулна. 06 дугаар сарын 01-нд 11:00 цагаас “Их Зайсан” цогцолборт “Оюуны Ундраа” групптэй хамтарсан Хүүхдийн баярын үйл ажиллагаа болно
     
  • Чингэлтэй дүүрэг - 11:00 цагаас Тусгаар тогтнолын талбайд Хүүхдийн баярын үйл ажиллагаа зохион байгуулна
     
  • Сонгинохайрхан дүүрэг - 11:00-15:00 цагийн хооронд хороодод Хүүхдийн баярын арга хэмжээг зохион байгуулна.