Монголын сэтгүүлчдийн эвлэлээс “Практикал даатгал” компанитай хамтран сэтгүүлчдийн даатгалыг бий болгосон байна. Энэ талаар “Практикал даатгал” компанийн Даатгалын мэргэжилтэн Т.Сүх-Очироос тодрууллаа.
-Сэтгүүлчдийн даатгалыг бий болгосон гэсэн. Уг даатгалын талаар тодруулаач?
-“Практикал даатгал” компани 2003 онд 100 хувь үндэсний хөрөнгө оруулалттайгаар байгуулагдан бүх төрлийн даатгалын үйл ажиллагаагаараа салбартаа манлайлагч байж, шинэ шинэлэг үйлчилгээгээрээ харилцагчдынхаа итгэлийг хүлээн ажиллаж байгаа.
Хэвлэл мэдээллийн ажилчдын ажлын онцлогт тохируулсан зургаан төрлийн эрсдэлийг багтаасан.
Энэ хүрээнд Монголын сэтгүүлчдийн эвлэлтэй хамтран ажиллах санамж бичигт гарын үсэг зурж өнөөдрөөс эхлэн хэвлэл мэдээллийнхний ажлын онцлогт тохируулсан “Сэтгүүлчдийн гэнэтийн ослын даатгал” гэх бүтээгдэхүүнээ гаргаж байна.
-“Сэтгүүлчдийн гэнэтийн ослын даатгал” нь бусад энгийн даатгалаас юугаараа ялгаатай байх вэ?
-Энэхүү даатгал нь сэтгүүлчийг ажил үүргээ гүйцэтгэж байх үед болон 24 цагийн турш гэнэтийн санамсаргүй байдлаас гэмтэж бэртсэн тохиолдолд эмнэлэг эмчилгээний зардлыг нөхөн олгодог ач холбогдолтой.
Хэвлэл мэдээллийн ажилчдын ажлын онцлогт тохируулсан зургаан төрлийн эрсдэлийг багтаасан.
-Даатгалын эрсдэлүүдийг тодруулаач. Ахуйн эрсдэл орсон уу?
-Зургаан төрлийн эрсдэлүүдийг оруулсан.
Тодруулбал,
Тиймээс машин тоног төхөөрөмж багаж хэрэгсэлтэй харьцах үеийн эрсдэл, цахилгааны хүчдэл дэлбэрэлт, шаталт, дулаан сүлжээний гэмтлийн нөлөөлөл, элдэв зүйлд цохиулах, хавчуулах, унаж бэртэх, хальтрах, зам тээврийн осолд өртөх, зүсэгдэх, түлэгдэх, гал түймэр, үер, газар хөдлөлт, аянга цахилгаанд цохиулах, наранд цохиулах, хөрсний нуралт, цөмрөлт, ус шаварт унах зэрэг байгалийн эрсдлээс хамгаалагдах болно.
Түүнчлэн мал, амьтанд дайруулах, мөргүүлэх, хазуулах, өшиглүүлэх, чирэгдэх зэрэг эрсдлүүд ч орсон байгаа.
-Даатгалын хамгаалалтыг хэдэн төгрөгөөс дээш байдлаар тогтоосон бэ?
-Даатгуулагчийн сонголтоор харилцан тохиролцож тогтоох юм. Гэхдээ үнэлгээний доод хэмжээ нь таван сая төгрөг байна.
Тиймээс даатгуулагч даатгалын хураамж болгож жилийн даатгалын хамгаалалтад 50 мянган төгрөг төлөх болно.
-Даатгалын нөхөн төлбөрийг хэрхэн олгох вэ. Төлбөрийг хэр хурдан шуурхай гаргаж өгөх вэ?
-Гэнэтийн ослоос хойш 12 сарын хугацаанд даатгуулагчийн амь нас, эрүүл мэндэд учирсан хохирлоос хамааран даатгалын хамгаалалтаас дараах хувь хүртэл нөхөн төлбөр олгоно.
Тодруулбал, даатгуулагч амь насаа алдсан бол 100 хувь, хөдөлмөрийн чадвараа бүрэн, хагас, түр алдсан тохиолдолд зайлшгүй шаардлагатай эмнэлэг, эмчилгээний зардлыг баримтад үндэслэн олгоно.
Өөрөөр хэлбэл, амбулаторийн оношилгоо, үйлчилгээний зардал, хэвтэн эмчлүүлэх, ор хоногийн зардал, эм тариа, боолтын материалын зардал гэх зэргээр олгох юм.
Даатгуулагчийн нөхөн төлбөрийг ямар нэгэн маргаангүй материалыг бүрдүүлчихсэн бол ажлын тав хоногт багтаан олгох болно.
-Даатгалын тохиолдолд ямар материал бүрдүүлдэг юм бэ. Нөхөн төлбөрийг зөвхөн даатгуулагчид олгох уу?
-Даатгуулагч хохирол учирсан даруйд өөрт мэдэгдэж байгаа дэлгэрэнгүй мэдээллийг даатгагчид мэдэгдэн, учирсан хохирлыг баталгаажуулах арга хэмжээ авна.
Улмаар даатгагчтай тохиролцсон хугацаанд хохирлын талаарх баримт, материалыг бүрдүүлж ирүүлэх хэрэгтэй.
Тодруулбал,
Нөхөн төлбөрийг даатгуулагчид эсвэл даатгуулагчийн ажилтанд, ажилтны хууль ёсны өв залгамжлагчид нь олгоно.