БНСУ-ын Инчеон хотноо Азийн пара наадамд үргэлжилж байгаа билээ. Энэ удаагийн наадмын жүдо бөхийн төрөлд манай тамирчид тун ч амжилттай оролцож, Н.Алтанцэцэг алтан медаль хүртээд байсан. Тэгвэл манай эмэгтэй жүдочид багийн төрөлд багаараа түрүүлж, алтан медаль хүртсэн сайхан амжилт гаргалаа.
Манай багийнхан эхний тойрогтоо Тайландыг 2:1-ээр, хагас шигшээд Хятадыг 3:0-оор, аваргын төлөө Энэтхэгийн жүдочдыг мөн 3:0-оор “шүүрдсэн”-ээр аварга болжээ. Манай жүдогийн багт Г.Оюун, Н.Алтанцэцэг, Б.Болортунгалаг нар багтсан юм.