Нийслэлийн Ардчилсан хүчний холбооны чуулга уулзалт болно
“Ардчилсан хүчний холбоо”-ноос энэ сарын 3, 4, 5-ны өдрүүдэд “Нийслэлийн чуулга уулзалт”- ыг зохион байгуулах гэж байна.
“Хүнээ хөгжүүлж, Монголоо шинэчилье” уриатай энэхүү чуулга уулзалтын зорилго нь дүүргүүдийнхээ гишүүд дэмжигчдийнхээ дунд сургалт, нээлттэй хэлэлцүүлэг өрнүүлэх замаар нийгэмд шууд ардчиллыг бэхжүүлэх, “Ардчилсан хүчний холбоо”-ны гишүүд дэмжигчдийн мэдлэг чадварыг дээшлүүлэх, гишүүд дэмжигчдийн цар хүрээг нэмэгдүүлэх, үнэт зүйлс үзэл санаагаа нийгэмд түгээн дэлгэрүүлэхэд оршиж буй юм.
Олон улсын хүүхдийн “Найрамдал” зусланд болох “Нийслэлийн чуулга уулзалт”-ын хүрээнд нийслэлийн есөн дүүргийн “Ардчилсан хүчний холбоо”-ны гишүүд дэмжигчид болон зочид төлөөлөгчид хуран чуулж, өнгөрсөн хугацаанд хийж бүтээсэн ажлаа дүгнэж, цаашдын үйл ажиллагааныхаа талаар хэлэлцэх аж.
