Деку Монголд ирэхээ хойшлууллаа

Португалийн багийн шилдэг тамирчин, хагас хамгаалагч Андерсон Луйс де Коза буюу Деку

Бразил-Португалийн нэрт хөлбөмбөгч, Андерсон Луйс де Коза буюу Деку Монголд өнөөдөр ирж, түүнийг элч төлөөлөгч нь ажиллах "Tiger Street Football” тэмцээн маргааш болох байв.

Гэсэн ч Португалийн шигшээ баг болон “Порту”, “Барселона”, “Челси” клубт тоглож байсан нэрт хагас хамгаалагчийн аавынх нь бие муудсаны улмаас Бразилд очих болсон тул манай улсад энэ сарын 29-нд ирэх болжээ.

Тиймээс Улаанбаатарт болсон тэмцээний бүх арга хэмжээ долоо хоногоор хойшилж, "Tiger Street Football” тэмцээн энэ сарын 30-нд болохоор товлогдлоо.

Деку чин сэтгэлээсээ хүлцэл өчсөн видеог өөрийн фэйсбүүк, твиттер хуудсаараа дамжуулжээ.