“Эрчим”-ийн хуваарь батлагдлаа
Монголын хөлбөмбөгийн холбооны төв талбайд тавдугаар сарын эхээр болох Азийн хөлбөмбөгийн холбооны “Ерөнхийлөгчийн цом”-ын тэмцээний урьдчилсан тэмцээний тоглолтын хуваарь албан ёсоор гарлаа.
Тоглолтууд нь Улаанбаатарт болох урьдчилсан тэмцээний “С” хэсэгт Монголын “Эрчим”, Балбын “Manang Marshyangdi”, Камбожийн “Svay Rieng” багтаад байсан билээ.
Тоглолтын хуваарь:
- Тавдугаар сарын 1-ний пүрэв гаригт 17:00 цaгaac “Svay Rieng” “Manang Marshyangdi’’-тай
- 3-ны бямба гаригт 15:00 цагаас “Эрчим” “Svay Rieng’’-тай
- 5-ны даваа гаригт “Эрчим” “Manang Marshyangdi”-тай тоглох болов.
Дээрх хуваарь Азийн хөлбөмбөгийн холбооныхоос зөрж байсан. Энэ тухай Монголын хөлбөмбөгийн холбооноос тодруулахад Азийн хөлбөмбөгийн холбооныхон алдаа гаргасан гэсэн юм.
“Ерөнхийлөгчийн цом”-ын урьдчилсан тэмцээний гурван хэсгээс шалгарсан зургаан баг ирэх сарын 22-28-нд болох шигшээ тэмцээнд хүч үзэх эрхтэй болно.
