• 4 сарын 26, Баасан
|
|
Уншиж байна ...
ХУУЧИРСАН МЭДЭЭ: 2017/01/17-НД НИЙТЛЭГДСЭН

Аж ахуйн нэгж, байгууллагуудыг орчны ЦАСАА ЦЭВЭРЛЭХИЙГ уриаллаа

Сүхбаатар дүүрэг
2017 оны 1 сарын 17
Сүхбаатар дүүрэг
Зураг зураг
Гэрэл зургийг mpa.mn

Өнгөрсөн шөнө цас орсны улмаас нийслэлийн зарим зам, талбайд халтиргаа үүсэх нөхцөл бүрдээд байна. Иймд дүүргийн аж ахуйн нэгж, байгууллагууд цас хатуурч, дагтаршихаас өмнө хуваарьт газартаа цэвэрлэгээ хийж, халтиргаа үүсэхээс сэргийлж ажиллахыг анхааруулж байна.

Хот тохижилт, цэвэрлэгээний талаар аж ахуйн нэгж байгууллага, иргэдээс дагаж мөрдөх журмын 2.2-р зүйл, 63-р тогтоолд заасны дагуу тухайн байгууллага, иргэн өөрийн хариуцсан 50 метр хүртэлх нийтийн эзэмшлийн зам, талбай, явган хүний замын цас мөсийг тогтмол цэвэрлэх үүрэгтэй.

Өнөөдрийн байдлаар дүүргийн нутаг дэвсгэрт хог тээврийн үйлчилгээ эрхлэгч байгууллагууд халтиргаа гулгаа үүсэхээс урьдчилан сэргийлэн ажиллаж байна. Тодруулбал, "Сүхбаатар дэвшил" ОНӨААТҮГ 8 тн бодис цацаж, зам талбайн 65 үйлчлэгч өглөөний 06:00 цагаас эхлэн хуваарьт газрын цасыг цэвэрлэж байгаа бол "Сүхбаатар тохижилт" ХХК 15 хүний бүрэлдэхүүнтэй ажиллаж, 10 тонн давс, 1 тонн бодис өглөөний 08:00 цагт цацсан байна.

Мөн "Цүзүкү-Юмэ" ХХК өчигдөр орой 0.5 тн давсыг хариуцсан зам, талбайдаа цацжээ.