• 4 сарын 26, Баасан
|
|
Уншиж байна ...
ХУУЧИРСАН МЭДЭЭ: 2016/07/25-НД НИЙТЛЭГДСЭН

Баян-Өлгий аймгийн ОБГ-ын даргаар С.Пүрэвсамданг томиллоо

С.Бадрал, iKon.mn
2016 оны 7 сарын 25
iKon.MN
Зураг зураг

Онцгой байдлын ерөнхий газрын даргын Б/443 тоот тушаалаар Баян-Өлгий аймгийн Онцгой байдлын газрын дарга, гамшгаас хамгаалах улсын хяналтын ахлах байцаагчаар дэд хурандаа С.Пүрэвсамданг, тус газрын орлогч, урьдчилан сэргийлэх тасгийн даргаар хошууч Б.Анхбаяр нарыг томилсон байна.

Тэрбээр ОХУ-ын Иргэний хамгаалалтын академийг Цэргийн удирдлагын магистраар төгсөж ирсэн даруйдаа, ийнхүү Баян-Өлгий аймгийн ОБГ-ын даргаар томилогдлоо.

Дэд хурандаа С.Пүрэвсамдан нь БХИС-ийг Инженерийн цэргийн команд тактикийн офицер, зам гүүрний барилгын машин механизмын инженер мэргэжлээр төгссөн. 

Төрийн удирдлагын магистр, Зэвсэгт хүчний 256 дугаар ангид салаан захирагч, 122 дугаар ангид салбарын захирагч, Гамшгаас хамгаалах тусгай ангид инженерийн бэлтгэлийн багш, Аврах тусгай ангид штабын орлогч, ахлах мэргэжилтэн, Бэлэн байдал хариуцсан мэргэжилтэн, Говь-Алтай аймгийн ОБХ-ийн дарга хийж байсан ажлын туршлагатай. Нэгэн аж. 

Харин хошууч Б.Анхбаярын хувьд Цагдаагийн академийг Эрхзүйч, галын албаны мэргэжилтнээр төгссөн. Энэ онд ОХУ-ын ГЭАА-ийг Галын инженер мэргэжлээр дүүргэсэн. Хэнтий аймгийн ГТТХ-ийн Гал түймэр унтраах, аврах 49 дүгээр ангид гал сөнөөгч, Хэнтий аймгийн ОБГ-т Гамшгаас хамгаалах улсын хяналтын байцаагчаар тус тус ажиллаж байжээ.