- ХАСХОМ БҮРТГЭХ ЯВЦ 96.1 ХУВЬТАЙ БАЙНА -
Улсын хэмжээнд ХАСХОМ /хувийн ашиг сонирхол хөрөнгө орлогын мэдүүлэг/ бүртгэх явц 96.1 хувьтай байгааг АТГ-аас мэдээллээ.
Хөрөнгө орлогоо мэдүүлэх ёстой 269 өндөр албан тушаалтан байгаагаас өнөөдрийн 11.00 цагийн байдлаар 246 буюу 91.2 хувь нь ХОМ-ээ мэдүүлжээ.
Харин хөрөнгө орлогоо мэдүүлэх ёстой 40 мянган төрийн албан хаагчийн 96.1 хувь нь заасан хугацаанаас өмнө мэдүүлгээ өгсөн байна.
ХАСХОМ авах хуулийн хугацаа энэ сарын 15-нд буюу ирэх Даваа гарагийн 17.30 цагт дуусна. Тиймээс хуулийн хугацаандаа багтан хөрөнгө орлогоо мэдүүлэхийг АТГ-аас мэдэгдлээ.