Эрчим хүчний нэгдсэн систем өвлийн их ачааллын горимоор ажиллаж эхэллээ

Эрчим хүчний салбарын ерөнхий инженерүүдийн шуурхай зөвлөлгөөнөөр Монгол Улсын эрчим хүчний нэгдсэн системийн 2014-2015 оны өвлийн их ачааллын горим ажиллагааг хэлэлцэж Эрчим хүчний дэд сайд Д.Доржпүрэвээр батлуулан таван системийн хэмжээнд өнөөдрөөс эхлэн мөрдөн ажиллаж эхэллээ.

Өвлийн их ачааллын горимыг есдүгээр сарын 15-ны өдрөөс эхлэн 5 дугаар сарын 15-ны өдрийг дуустал мөрдөн ажилладаг.

Салбарын хэмжээнд өвлийн бэлтгэл хангах ажлын хүрээнд

• 444 үндсэн тоноглолд их засвар
• 384 туслах тоноглолд их засварын ажил
• 387 нэр төрлийн хөрөнгө оруулалтын ажил 
• ТЗБАХ-ээр 270 ажил хийхээр төлөвлөсөн байна.

Одоогийн байдлаар үндсэн тоноглолын их засварын ажил 80 хувь, туслах тоноглолын их засварын ажил 80 хувь, хөрөнгө оруулалтын ажил 60хувь, ТЗБАХ-ний ажил 80хувийн гүйцэтгэлтэй, салбарын дүнгээр 75 хувийн биелэлттэй байна.