Жил бүрийн хавар сурагчид Элсэлтийн Ерөнхий Шалгалтаа өгч хүссэн их сургуульдаа элсэн ордог. Энэ нь сурагч бүрийн ТОМ ЗОРИЛГО байдаг билээ. 2016 онд манай улсын 450 сургуулийн 35,983 сурагч тус шалгалтыг өгсөн байна.
Бид энэ удаа улсын хэмжээнд сурагчдаа хамгийн сайн СУРГАСАН буюу ЭЕШ-ын дунджаар тэргүүлсэн бүрэн дунд сургуулиудын талаарх мэдээллийг хүргэхээр шийдлээ.
Боловсролын Үнэлгээний Төвийн тайлангаас тооцож үзэхэд энэ жил ЭЕШ-ын дундаж оноогоор Сүхбаатар дүүргийн “Сант” сургууль тэргүүлжээ. Харин хоёрдугаар байрт “Орчлон”, гуравдугаар байрт “Шинэ эхлэл” сургууль оржээ.
Сургууль | м/х | м/х бичи | мат | а/х | физ | хими | био | г/з | нтм | түүх | орос | Нийт | Дундаж | |
Сант | 617 | 614 | 710 | 676 | 723 | 651 | 676 | 678 | 625 | - | 693 | 6663 | 666.3 | 1 |
Орчлон | - | 574 | 596 | 732 | 767 | 670 | 688 | - | 594 | - | 630 | 5251 | 656.375 | 2 |
Шинэ эхлэл ЛС | 625 | 591 | 713 | 689 | 620 | 655 | 620 | 613 | 592 | 598 | 702 | 7018 | 638 | 3 |
УББДС | 589 | 596 | 630 | 640 | 659 | 629 | 638 | 701 | 652 | - | - | 5734 | 637.1111111 | 4 |
11 -р сургууль | 708 | 582 | 696 | 621 | 662 | 627 | 615 | 554 | 599 | 608 | 693 | 6965 | 633.1818182 | 5 |
“Сант” сургуулийн хувьд сүүлийн 10 жилийн хугацаанд ЭЕШ-ын дундаж оноогоор тасралтгүй тэргүүлсэн байна.
Улсын хэмжээнд тэргүүлсэн 25 сургуулийн эхний тав нь Улаанбаатар хотод байрлаж байгаа бол Ховд аймгийн “Прогресс” сургууль орон нутгаас тэргүүлжээ. Мөн Дархан-Уул, Өвөрхангай, Завхан, Хөвсгөл, Сэлэнгэ аймгийн сургуулиуд дээгүүр жагсжээ.
/ЖИЧ: ЖИЛД 20-ИОС ДЭЭШ ТӨГСӨГЧТЭЙ СУРГУУЛИУДЫН ЖАГСААЛТ БОЛНО/