Хөгжим бүжгийн коллеж, Улаанбаатар их сургуулийн Удирдах зөвлөлийг шинэчлэн байгууллаа

БСШУС-ын сайдын 2017 оны нэгдүгээр сарын 18-ны өдрийн А/16 тоот тушаалын дагуу зарим төрийн өмчит сургуулиудын Удирдах зөвлөлийг шинэчлэн байгууллаа. Тодруулбал, өнөөдөр Хөгжим бүжгийн коллеж, Улаанбаатар их сургуулийн Удирдах зөвлөлийг тус тус шинэчлэн байгуулав.

Хөгжим бүжгийн коллежийн Удирдах зөвлөл нийт 16 хүний бүрэлдэхүүнтэй бөгөөд төрийн төлөөлөл ес, хамт олны төлөөлөл долоон хүнээс бүрдэж байна. Тус сургуулийн Удирдах зөвлөлийн даргаар БСШУСЯ-ны Соёл урлагийн бодлогын газрын дарга Н.Болд, орлогч даргаар Үндэсний урлагийн их театрын Уран сайхны удирдагч, Урлагийн гавъяат зүтгэлтэн А.Цэдэн-Иш нар томилогдов.

Харин Улаанбаатар их сургуулийн Удирдах зөвлөлийн даргаар Шинжлэх ухааны академийн Тэргүүн дэд ерөнхийлөгч, академич Г.Чулуунбаатар, орлогч даргаар Төрийн албаны зөвлөлийн гишүүн С.Цэдэндамба нар томилогдлоо. 

Эх сурвалж: БСШУСЯ