Энэ оны долоо, наймдугаар сард хар тамхи, мансууруулах бодистой холбоотой 23 холбогдогчтой 10 гэмт хэрэгт мөрдөн байцаалтын ажиллагаа явуулжээ.
Эдгээр хэргийн ихэнх хувийг мансууруулах үйлчилгээтэй ургамлын төрөлд орох каннабисыг түүж, бэлтгэн, боловсруулж бусдад зарж боловсруулсан гэмт хэрэг эзэлж байгаа гэдгийг Цагдаагийн газраас мэдээллээ.
Дээрх этгээдүүдийн гурав нь давтан гэмт хэрэгт холбогдсон бөгөөд иргэн Г нь өмнө нь хар тамхины хэргээр ял шийтгүүлж байсан болох нь тогтоогджээ.
Мөн энэ оны наймдугаар сарын 17-ны өдөр П нь мансууруулах үйлчилгээтэй ургамлын төрөлд орох каннабисыг их хэмжээгээр түүж бэлтгэн, бусдад зарж борлуулах зорилгоор авч явж байсныг илрүүлэн ЭХТА-ийн 192-192.2–т зааснаар эрүүгийн хэрэг үүсгэн шалгаж эхэлжээ.
П, Б, Т нарыг ШШГЕГ-ын хорих 0461 дүгээр ангид сэжигтнээр цагдан хорих таслан сэргийлэх арга хэмжээ авч мөрдөн байцаалтын ажиллагааг үргэлжлүүлэн явуулж байна.