Энэ сарын 27-28-нд шилжих шөнө цаг урагшлуулах шийдвэрийг Засгийн газраас гаргасан.
Энэ шийдвэрийн хүрээнд үүрэн холбооны операторуудаас цаг урагшлуулахад гар утасны цаг автоматаар урагшлах эсэхийг тодрууллаа.
Мобиком: Гар утасны тохиргоон дээр цагийг автоматаар солигдохоор тохируулсан хэрэглэгчдийн гар утасны цаг шууд урагшлан тааруулагдана. Харин автоматаар солигдох тохиргоог сонгоогүй хэрэглэгчид өөрсдөө тохируулах шаардлагатай. Маргааш буюу 27-ны өдөр бид вэб сайт дээрээ энэ талаар мэдээлэл байршуулах болно.
Скайтел: Одоогийн байдлаар энэ талаар мэдээлэл байхгүй байна.
Юнител: Өнөөдрийн байдлаар энэ талаар мэдээлэл байхгүй байна. 2015.03.27 -ний өдрийн мэдээлэл: Ухаалаг утас/төхөөрөмжтэй хэрэглэгчид цагийн тохиргоогоо автомат (өөрийн бүс) дээр тохируулж, интернэтэд холбоотой байгаа тохиолдолд цаг автоматаар урагшилна. Бусад хэрэглэгчид гар утасныхаа цагийг гар аргаар урагшлуулах шаардлагатай.
Жи-Мобайл: Манайх хэрэглэгчдийнхээ гар утасны цагийг автоматаар тохируулдаг учир оператор компани цагаа урагшлуулмагц хэрэглэгчдийн цаг хамт урагшилна.