Санхүүгийн зохицуулах хороо ээлжит хуралдаан өчигдөр болж, 20 гаруй асуудал хэлэлцэн шийдвэрлэлээ.
“Нэйшнл ассет менежмент” ХХК-д үнэт цаасны зах зээлд хөрөнгө оруулалтын менежментийн, “Ивээлт-Очир” ХХК-д даатгалын зуучлагчийн, хувь нийлүүлсэн хөрөнгийн хэмжээ 2.5 тэрбум төгрөг байх шаардлагыг хангасан ”Хан Алтайн нуруу”, “Гоулд капитал инвест”, “Дарь финанс” ХХК-уудад банк бус санхүүгийн зээлийн үйл ажиллагаа эрхлэх тусгай зөвшөөрөл олголоо.
Мөн, валют арилжааны “Эксклюзивчэнж ББСБ” ХХК-д зээлийн үйл ажиллагаа эрхлэх тусгай зөвшөөрөл нэмж өгөхөөр болсон байна.
Энэ үйл ажиллагааг цаашид үргэлжлүүлэх, идэвхжүүлэх зорилгоор Хаан, Голомт, Худалдаа, хөгжлийн банк болон Хас банк, Төрийн банкны дээрх тусгай зөвшөөрлийг сунгажээ.
Түүнчлэн, зохистой харьцааны шалгуур үзүүлэлтүүдийг ханган ажиллаж байгаа “Ханнамнан хөгжил”, “Эхлэл их наяд”, “ЭЛПИ”, Хаскредит”, “Монконкорд” ХЗХ-дын тусгай зөвшөөрлийн хугацааг тус бүр гурван жилээр сунгасан байна.