Монголын эдийн засгийн нөхцөл байдал хэдий хүнд байгаа ч гарааны бизнесээ амжилттай эхлүүлэн монголын төдийгүй дэлхийн зах зээлд бүтээгдэхүүнээ гаргаж байгаа бизнесүүд төрөн гарсаар байна. Бизнес эрхлэгчдийн зарим нь хямралыг нөгөө талаараа боломж гэж харж байгаа бололтой.
Энэ оны 2 сарын 10-нд Бизнесийн салбар бүрийн манлайлагчид өнгөрсөн оны Монголын шилдэг бизнес манлайлагчийг шалгаруулахаар Шангри-ла Улаанбаатар зочид буудлын их танхимд зохион байгуулагдсан TITEM Leadership Awards 2016 арга хэмжээнд хуран цугласан байна.
Энэхүү TITEM Leadership Awards 2016 арга хэмжээний үеэр хүрэлцэн ирсэн зочид хоорондоо танилцан харилцаа холбоогоо тэлэхийн зэрэгцээ шилдэг урлагийн тоглолтуудыг сонирхож амжилт ололтоо солилцон халуун дотно яриа өрнүүлж нэгэн үдшийг жөгжилдөн өнгөрүүлжээ.
TITEM Leadership Awards 2016 арга хэмжээг зохион байгуулсан Y&R Mongolia болон Forbes Mongolia нар Монголын шилдэг манлайлагчийг шалгаруулахдаа бизнесийн салбарт амжилт гарган хамт олноо чадварлагаар удирдан манлайлсан, нийгмийн сайн сайханд хувь нэмэр оруулсан, мөн гадны зах зээлд нэвтэрч экспорт хийсэн байдлыг харгалзан үзэж “Натурал Эссэншиалс” ХХК буюу органик бүтээгдэхүүнээрээ дэлхийд танигдаад байгаа “Lhamour” брэндийг үүсгэн байгуулагч, гарааны бизнес эрхлэгч хатагтай Д.Хуланг 2016 оны Монголын шилдэг манлайлагчаар тодруулжээ.
https://www.facebook.com/TheLeadershipForumMongolia/