Гэрэл зургийг MPA агентлагийн онцгой зөвшөөрөлтэйгөөр ашиглав

3х3 сагсан бөмбөгийн олимпын эрхийн олгох хоёр дахь тэмцээн энэ сарын 2-5-нд Японд болно. 

Олон Улсын Сагсан Бөмбөгийн Холбоо (FIBA)-ны чансаагаар 2023 оны арваннэгдүгээр сарын 1-нд эхний наймд бичигдсэн баг олимпын эрхийн төлөөх тэмцээнд өрсөлдөх эрхээ авсан юм. Түүнчлэн зохион байгуулагч Япон болон олимп зохион байгуулагч Францын эрэгтэй шигшээ баг, өнгөрсөн жилийн Дэлхийн Аварга Шалгаруулах Тэмцээн (ДАШТ)-д 2-8 дугаар байр эзэлсэн багууд оролцох эрхтэй аж. 

 

FIBA

Ямар багууд оролцох вэ?

• Эмэгтэй: Кени, Бразил, Австрали, Нидерланд, Япон, Герман, Канад, Австри
• Эрэгтэй: Египет, Пуэрто Рико, Монгол, Латви, Литва, Япон, Франц, Бразил

Хэсгийн шат

Эрэгтэй найм, эмэгтэй найман баг хоёр хэсэгт хуваагдаж өрсөлдөнө. Хэсгийн шатанд эхний хоёрт орсон баг нь хагас шигшээд шалгарах аж. Улмаар түрүүлсэн нэг баг олимпын эрх авах юм.

Монголын шигшээ багийн бүрэлдэхүүн:

 

FIBA

Эрэгтэй баг: А.Ананд, Д.Дэлгэрням, Э.Дөлгөөн, О.Энхбаатар

Хуваарь

Тавдугаар сарын 3-нд:

Эрэгтэй:

18:45 цагт: Монгол - Япон 

Тавдугаар сарын 4-нд:

Эрэгтэй:

15:40 цагт: Франц - Монгол

19:10 цагт: Монгол - Египет

Тавдугаар сарын 5-нд 

Хасагдах шатны тоглолтууд болно.