Л.Гансүх суллагдлаа

Ерөнхий сайд Н.Алтанхуягийн ахлах зөвлөхөөр ажиллаж байсан Л.Гансүх өнөөдөр үдээс хойш суллагдлаа.

Тэрбээр "Нүүрс"хөтөлбөрийг хэрэгжүүлэх явцад эрх мэдлээ хэтрүүлэн ашигласан, улсад их хэмжээний хохирол учруулсан хэрэгт холбогдон 3 жил зургаан сар хоригдох ял шийтгүүлсэн билээ.

Л.Гансүх магадлангаар суллагдах хүсэлтээ гурван удаа прокурорын байгууллагад гаргасаны эцэст ийнхүү шийдэгдэв. Тэрбээр шүүхээс оноосон 3 жил зургаан сарын хорих ялын 1/2-тэй тэнцэх хугацааг эдэлж дуусгасан байна. Мөн хохирол хэмээн тогтоосон мөнгөн төлбөрөө төлж дуусгасан ажээ.