Өнөөдөр Хятадын төрийн мэдлийн Синхуа, Global Times, Ардын Өдрийн Сонин зэрэг хэвлэлүүдэд Монгол улсын гадаад хэргийн сайд Ц.Мөнх-Оргилын хэлсэн үгийг эш татсан мэдээллүүд нийтлэгджээ.
Эдгээр хэвлэлүүдэд бичсэнээр Монгол улс цаашдаа Далай ламыг ямар ч зорилготой айлчлан ирэхийг нь хориглоно гэсэн байна. Тухайлбал шашны нэрийн дор ирэхийг нь ч зөвшөөрөхгүй гэжээ.
Ингэхдээ тэд Ц.Мөнх-Оргил сайдын Мягмар гарагт “Өнөөдөр” сонинд өгсөн ярилцлагаас нь эш татсан байна.
Гэвч “Өнөөдөр” сонины ярилцлагад гадаад хэргийн сайд “энэ засгийн газрын бүрэн эрхийн хугацаанд дахин айлчлахыг зөвшөөрөхгүй” гэсэн юм.
Харин Хятадын тал манай сайдын хэлсэн үгээс “энэ засгийн газрын бүрэн эрхийн хугацаанд” гэсэн нөхцлийг нь хасаж мэдээлсэн нь сонирхолтой.
Монгол улсын гадаад хэргийн сайдын ярилцлагыг бүрэн эхээр нь уншвал энд дараарай.